中國奧運金牌運動員昨日訪港，唔少市民之前都周圍撲飛都係為見運動員一面，不過，貴為樂壇校長譚詠麟（阿倫）就當然唔使撲飛都可以見到金牌運動員啦，仲可以合照！呢日阿倫就上載咗一張與中國女排教練郎平合照，留言：「我心目中的奧運第一英雄！冷靜、經驗、穩重和領袖風範都令人折服！」一向熱愛運動的阿倫，果然係識英雄重英雄！
另外，歌手李克勤都專程入去禮賓府「朝聖」，見一見一眾奧運代表，難得有機會可以近距離接觸一班奧運精英，當然要同佢哋瘋狂自拍啦！克勤就喺社交網站，上載咗佢同人氣最高嘅「洪荒姐」傅園慧、孫楊、林丹同諶龍嘅自拍相，實行變身做小粉絲，真係見到都羨慕呀！