美國男籃食塞實現3連霸
美國男籃輕鬆贏得今屆奧運最後一面金牌，佢哋喺決賽面對首次躋身金牌戰嘅塞爾維亞，憑杜蘭特個人獨取30分，以96比66完成奧運3連霸，累積袋咗3面金牌嘅安東尼，含淚宣布結束國際賽生涯。
安東尼3獲金牌無憾退役
今場決賽雙方初段仲可以拉鋸，但第2節美國發力，其中杜蘭特單喺呢節射入18分，塞爾維亞愈打愈頹，第3節尾段已變成垃圾時間，最後美國男籃30分之差大炒塞爾維亞，連續3屆奪金。美國男籃「4朝元老」安東尼，成為首位3奪奧運男籃金牌嘅選手後，宣布退出國家隊，更一度激動減晒。呢位紐約人球星話：「係時候退落嚟。我見過最差，亦見過最好，多謝各位一直支持。」