完成奧運「過3關」創舉嘅保特，喺閉幕前爆驚天醜聞！盛傳返國後會同女友Kasi Bennett結婚嘅佢，周日到里約夜總會喪玩慶祝30歲生日，事後竟然有多張「床照」喺社交網流出！據報相中女主角為巴西20歲女學生Jady Duarte，只見保特從後攬實Jady，另一張上身冇着衫的保特更狂啜Jady粉頸，認真夠爆！據講Jady最初唔知對方身份，只想用whatsapp同啲Frd分享，估唔到會轟動全世界。
Jady接受巴西媒體《Extra》訪問，自爆喺夜店畀保特睇中後，一名保鏢出嚟「搭路」，不過佢堅拒透露兩人有冇發生性關係：「我不想講呢個問題，以免令事情更複雜。」而另一張流出嘅截圖中，Jady疑似收取100歐元，不過她唔認：「冇可能！我冇收過錢，只係要求與佢合照，不過佢依家可能想殺咗我。」
保特喺夜總會狂歡時，亦被拍到同另1名索女大跳辣身舞，呢位「牙買加閃電」已經離開巴西，睇怕佢都要同女友「解畫」。另外巴西球星尼馬同舊愛般娜盛傳復合，巴西奪得足球金牌後，尼馬曾衝入觀眾席攬實般娜，巴西傳媒更話兩人愛火重燃！