葉鴻輝孖老友 遊蒙古做草原英雄
港隊及東方門將葉鴻輝當選今屆香港足球先生，其中一項獎勵就係獲贈雙人蒙古旅遊套票。早前「英雄輝」約埋兩位同期隊友談樂軒及黃俊皓，買多一張機票共3人出發遠征蒙古，拜會蒙古大汗成吉思汗（塑像），並且見到「鵰兄」，做一趟草原英雄。
踏足草原徹底放鬆
呢份特別獎勵係由蒙古航空送出，成個行程係由PAM Hoildays安排，全程4日3夜，葉鴻輝表示，從未想過自己會去蒙古，但去過之後又覺得香港人值得去遊玩一番，他說：「今次目的地是蒙古首都烏蘭巴托，該處很少高樓大厦，大部分地方都是草原和郊野，很多蒙古包，天然美麗風景令我們徹底放鬆。」
所謂識英雄重英雄，「英雄輝」去到蒙古梗係要同成吉思汗塑像影番張合照，期間佢仲遇見「鵰兄」添，他說：「其實是獵鷹，真係好大隻，好有靈性，之後我地仲喺大草原騎馬，都幾好玩。」