勇士騎士再決雌雄
NBA總決賽爆發！是東岸嘅騎士復仇成功，抑或是勇士衞冕？總決賽MVP是勒邦占士？還是史堤芬居里？論表現，勇士常規賽單季73勝、開季24連捷無人能及，但「咖喱仔」季後賽曾受傷成為衞冕最大隱憂。勒邦占士連續6季殺入總決賽，個人成就亦史無前例，不過之前只能於熱火兩次奪冠，今季能否與成熟的綠葉襯托下再嘗總冠軍滋味？今早第一場開始的總決賽，一場都不能錯過。
（now 635周五早上9時直播）
今場為上季總決賽翻版，不過，同上季最大不同的是，騎士三巨頭勒邦占士、路夫同艾榮都冇傷冇痛，可以夫添上陣。上季路夫同艾榮都因傷缺陣，只得占士一人獨撐6場，最終輸2比4。明日起的總決賽兩軍以最佳陣容出戰，是騎士之福，亦是球迷之福。勒邦占士連續6年殺入總決賽，個人能力冇人置疑，今季其領導能力亦成熟不少，小將犯錯即時場上提點，騎士當上聯盟霸主的能力亦提升不少。
占士「做埋教練」居里健康成關鍵
2015至16年球季，勇士開始了不斷超越前人的瘋狂旅程，單季73勝、開季24勝0負、單季無連敗、單季沒有輸給同一支球隊兩次、最快鎖定季後賽、單季命中3分球數破千（1,077），這些紀錄無一例外都改寫了NBA歷史。「浪花兄弟」繼續是球隊進攻重心，不過，勇士應對困難的能力也在不斷提升。當「咖喱仔」在季後賽受傷，勇士在西岸決賽對雷霆曾以1比3落後，如果相同比數於總決賽出現，相信勇士很難翻身。
小球戰術對快刀斬亂麻
當然，兩軍教練亦是取勝的重要因素，勇士教練卡爾同騎士主帥路爾都是少壯派教練，卡爾如何利用其小球戰術及保持「咖喱仔」火力成為關鍵，季中接手的路爾將騎士大革新，季後賽快刀斬亂麻方式解決對手，亦對球員體力有利，今個系列先由勇士主場，常規賽騎士兩負給勇士，今仗誰能取得開門紅？係全球NBA迷引頸以待的答案。