viuTV節目《體育係...》為迎接美洲盃及歐國盃來臨，又有新搞作！除了找now TV評述員如「積Sir」曾偉忠Crossover之外，3個新環節搞笑及娛樂並重，例如「Euro係一首歌」，就搵一首歌代表參戰國家，例如葡萄牙是「衣櫃裏的男人」、德國是「大熱」、愛爾蘭就「半斤八両」等。
至於專講美洲盃的環節「Copa係一個演員」，蘇亞雷斯是周星馳、美斯是劉青雲、韋利安是梁家輝，球迷一看肯定會心微笑。此外，「60秒答問大會」就會問來自不同運動項目的主持人問題，答得最叻那位，viuTV會請他去巴黎觀看歐國盃16強賽事，想知邊個可以飛去法國，就要留意《體育係...》喇！