伊雲娜域祖高域晉級第3圈

拿度大滿貫200W

塞爾維亞「1哥」祖高域於次圈面對比利時嘅達加斯，表現認真一般，全場有多達42次無壓力下失誤，不過達加斯實力太曳，未能畀到「扮嘢祖」太大考驗，最終祖高域以7比5、6比3及6比4，直落3盤擊敗對手，進身第3圈，將會對英國球手比迪尼，而前日同樣贏波嘅4號種子「泥地王」拿度，就攞到職業生涯第200場大滿貫勝仗。女單方面，上屆冠軍「細威」S威廉絲，只係用咗68分鐘，就以6比2及6比1擊退巴西嘅佩雷拉，佢家姐「大威」V威廉絲，同樣以6比2及6比1淘汰美國嘅姬絲高。至於「小豬嫂」伊雲娜域，一身黑白「斑馬裙」裝束非常sharp醒，雖然佢冇「大細威」贏得咁輕鬆，仍直落兩盤7比5及6比1，殺退日本球手奈良久留美，齊齊殺入第3圈。