今日11月17日除咗係「港中大戰」外，原來亦係網絡人氣女主播「o趙海珠」譚淇淇25歲生日！平時睇開英超撐阿仙奴嘅佢，原來間中都有留意本地波，而且仲曾經同「陳7」陳肇麒唱過K，話佢好親切添！講到生日願望，佢當然想港隊贏波啦！點解？珠珠就話撐番自己人唔需要理由！珠珠仲話今晚生日會一路睇直播、一路慶祝，實行港隊贏波齊齊Happy！除咗珠珠之外，桌球天后吳安儀都係今天生日，唔知呢位世界冠軍會唔會將旺氣帶落港隊度呢？
