互射12碼有波入歐冲「葡」開齋!

「歐冲」喺葡甲入波喇!港腳「神之子」歐陽耀冲効力嘅葡甲球會葡萄牙體育會,在葡萄牙聯賽盃第一圈作客對辛達卡拉,法定時間踢成1比1平手,加時後仍未分勝負,結果要互射12碼決高下,葡體會最後射贏6比5,歐陽耀冲都有份入一球!

「歐冲」賽後表示:「下半場40分鐘落場,之後獲教練安排第6個去射12碼,都有啲緊張,因為已經好耐冇射過(12碼)喇!」

雖然並非法定時間內入波,但都叫做有「士哥」,難怪「歐冲」喺Fb上載Selfie相慶祝,並獲不少「追蹤」,更有留言話港隊教練Kim Sir(金判坤)冇藉口再唔補選「歐冲」踢嚟緊嘅世界盃外圍賽喎!