紅魔新波衫掀搶購潮

「紅魔鬼」以天價7.5億鎊（約90億港元）同adidas簽下10年球衣贊助合約，呢件全新主場波衫採用復古V領，靈感來自紅魔80年代嘅經典「三間」波衫設計，物料輕巧，而褶邊設計靈感，則源自1990年傑斯處子亮相球季嘅波衫！

為搶先感受新波衫，魔粉們都專程到adidas旗艦店揀心頭好，雖然主場波衫每件要$1,099，但球迷依然好捨得買，捧場客比$359件嘅練習波衫來得多！

紅魔重投「三間」勢掀搶購熱潮，「魔粉」呂先生就特地趁開售日即買新波衫，首上身後更表示好想落場踢波！至於想印邊位球星，呂生就話太多選擇，暫時仲未諗到！8月8日英超開鑼，曼聯主場對熱刺，粉絲當然希望新波衫會為球隊打響頭炮！