NBA球星暑假玩邊科？

NBA總決賽上月先打完，一眾球星紛紛抖暑。呢班「有米」人士向來歎慣玩慣，最識享受人生，梗會趁住放暑假玩到盡。大家想不想知成班球星在悠長假期有甚麼搞作？即刻去片喇！

柏臣斯同名模睇騷

小牛靚仔小前鋒柏臣斯早前被傳媒拍到與模特兒女友Toni Garrn慶祝後者23歲生日，點知近日又同名模及歌手兩棲身份的Karen Elson齊齊出席紐約時裝周。柏臣斯當日一身造型絕不輸給在台上行catwalk的男模特兒，而Karen Elson也不時深情凝望這位靚仔球星，未知柏臣斯會否被女友「扭耳仔」！