傑志做完「末代港甲」盟主，又喺「首季港超」封王，今場賽後足總為佢哋舉行頒獎儀式，呢個歷史時刻點可以錯過？另外，傑志今個球季之後會有多名球員離隊，主帥摩連奴亦已與會方提前本月底解約，加上助教鄭兆聰下季轉任南區教練，「藍浪一家」今日賽後記得把握機會，同支持嘅職球員合照啦！
反而賽前有關主隊YFC澳滌嘅消息仲多啲，好似下季仲繼唔繼續搞呢？就算搞，「票王教練」李志堅仲會唔會留隊？就算「堅爸」留隊，又留唔留得住幾名畀友會吼到實嘅年輕主力呢？不過，最多人關心，應該係今日主場收咧戰，到底澳滌嘅Babe「魔鬼胸」蔚雨芯會唔會出現呢？