潮韋灰爆AD瘋狂

NBA常規賽昨日煞科,東西岸16強亦全部產生!最後一天賽事,雷霆控衞「潮韋」韋斯布克雖狂轟37分助球隊作客大炒木狼,但由於塘鵝同日憑封阻王安東尼戴維斯(AD)的出色表現,成功擊敗馬刺,以較佳對賽成績保住西岸第8位殺入季後賽,令職業生涯首次成為得分王的「潮韋」,成為自2003至04年球季後,首個緣盡季後賽的得分王!

「潮韋」在作客木狼一戰,上半場已經投入隊史紀錄的34分,全場共得37分,助雷霆以138比113大勝。惟塘鵝在另一仗於主場硬撼馬刺,得力於AD交出31分、13個籃板的「雙雙」成績,以108比103險勝,以較佳對賽成績力壓雷霆,取得西岸季後賽最後一張入場券。「潮韋」雖以場均28.1分,成為今季聯盟得分王,但球隊無緣季後賽,令他十分「冇癮」。

11年來再有得分王無緣Playoffs

「潮韋」在賽後發霉氣:「叻仔!好嘢!我可以喺屋企睇其他人打Playoffs(季後賽)喇依家。做到得分王(但入唔到季後賽)一啲意義都冇。」除了成為職業生涯首次得分王,這位雷霆控衞亦成為03至04球季後另一個無法打入季後賽的得分王,當年効力魔術的麥基迪亦嘗過同樣滋味。AD除率領塘鵝趕上季後賽尾班車外,更以場均2.9次封阻,連續兩季當上封阻王。

比起成為史上最年輕兩屆封阻王,22歲的AD為首次亮相季後賽更感興奮:「賽前我話入唔入到季後賽都唔緊要,其實我係想盡量唔好畀季後賽問題影響自己表現,先會咁講。老實講,季後賽對我哋成班波嚟講意義重大,所以今場大家先打得咁落力。」

東岸方面,溜馬最後一場不敵灰熊,在對賽成績較差下,將東岸第8位拱手相讓予籃網,無緣季後賽。