主場慘敗發老脾 大帝輸波又輸品

勒邦占士（左）今仗顯得處處受制於鷹隊的防守。（美聯社圖片）

鷹隊創半場3分球紀錄

騎士昨仗雖於首節取得領先優勢，但鷹隊其後藉傳球搓散騎士的防線，更於外圍得到不少機會，全場28次於3分線外起手就有16次中鵠，半場18投12中更創下球隊史上的半場紀錄，當中後備控衞麥克全場6球3分波全數命中，取得球隊最高的24分。當比賽進入第4節時，騎士已落後20分，教練比列見大勢已去，決定收起勒邦占士，變相「舉白旗」，最終以29分之差慘敗，創下球隊今季最大的敗仗。

騎士教練比列賽後表示球隊今仗演出實在難以接受：「球隊今場表現真係醜死人，我要向所有入場睇波嘅球迷道歉。」當勒邦占士被問到有否因為大敗而感尷尬，「大帝」即時發火：「你點解係都要問埋呢啲咁消極嘅問題？冇囉，我一啲都唔覺得尷尬囉！」「冇品大帝」其後又指鷹隊打法有如馬刺：「我哋畀咗鷹隊太多空位起手，佢哋打法好流暢，戰術令人覺得好似對馬刺咁，成日都搞到防守球員失晒位。」騎士明日將會主場迎戰籃網，力求重拾勝軌。

主場遭逢今季最大敗仗，騎士教練比列面都黑埋。	NBA今日賽程	NBA昨日戰果
NBA明日賽程 (香港時間)

（now 635周六早上8時30分直播）