巴菲特：大帝有錢途

原來勒邦占士7年前於巴菲特的家鄉奧馬哈市認識「股神」，二人相當投緣，雖然各有各忙，但都一直以電郵來往，「股神」亦相當關心占士的戰績。可能知道騎士近日表現有所回落，所以巴菲特日前睇完NFL比賽後，便轉戰克利夫蘭市繼續其「睇波之旅」，現身球場欣賞「大帝」主場對黃蜂一戰。

經常請教營商心得

「股神」賽前接受當地傳媒訪問時，還大讚勒邦占士有生意頭腦：「佢本身已經係個醒目仔，所以好識點做生意。7年前我第一次遇到佢已經有咁嘅睇法，而佢無論喺場內、外都表現咗佢有幾醒。」「大帝」表示一直有向巴菲特請教如何做生意，更稱很高興有如此良師在身邊，更豪言希望在未來20年成為像巴菲特一樣的億萬富豪。

「大帝」今戰有老友入場特別「醒神」，率領球隊於開波後打出一段21比0的攻勢，雖然之後差距被縮窄，仍以27分、13次助攻的「雙雙」表現，帶領騎士以9分之差力挫客隊，兩連敗後及時「止血」，明日將會主場鬥鷹隊。

（now 678周四早上8時直播）