東網猛料勁到爆 丞丞解籤（目及）實梅拿
德國今晚靠司馬相如贏波？「勁抽妹」Iris已經完成咗巴西直擊、以及為各球隊求籤問前程任務返港，但為咗今場終極決賽，決定「限定復出」，更搵嚟全港最靈嘅黃大仙幫幫手，為德國隊求籤卜一卜、之後再由「丞丞」李丞責師傅幫手解籤！籤文顯示德國可唔可以奪標竟與司馬相如有關？
黃大仙啟示德軍有計
Iris由巴西返港之後，今次再次拎起籤筒，去到黃大仙廟為愛隊德國求籤，結果抽到第49號籤「司馬相如題橋」，內文為「十年窗下苦功成、有志難舒願不輕、試看題橋十三字、生平心誓確鍾情」！睇落似係一支中吉籤喎。
不過，做人就唔可以斷估，於是Iris搵到李丞責師傅幫手解一解呢支籤，希望得到指點迷津，知道內裏玄機；而「丞丞」一睇到係49籤，就即表示大利於德國，佢話：「司馬相如係一位苦學讀書人，因為寒窗十年都冇人注視，但喺入蜀前就發憤圖強，覺得入蜀後一定要成名，於是喺橋頭題咗13個字，最終當然成功做大官，再經過嗰條橋時意氣風發。相如入巴蜀飛黃騰達，就好似德國去到巴西可蜚聲國際；況且題咗13個字，可能係黃大仙所畀嘅玄機，可以留意德國13號，今屆演出非常好嘅湯馬士梅拿。」嘩，聽到師傅咁講，我勁抽妹Iris都定啲，希望愛隊德國可以喺決賽有好結果啦！想睇師傅解籤仲有咩玄機，記得上on.cc東網啦！
《世盃男神》
嚟到決賽，世盃男神訪問亦特別大陣仗，搵到孫耀威，仲有歐偉倫同李健和3大男神亮相講波，其中孫耀威仲話要單挑有「橫濱孫耀威」之稱嘅日本外援吉武剛添！想睇幾位男神訪問，快啲上on.cc東網啦！
