灰熊靠綠葉追平雷霆

一班綠葉輪流發威，灰熊（左）作客照贏雷霆。（美聯社圖片）

灰熊後衞卡拉達斯（Nick Calathes）季後賽開始前因食錯禁藥被重判停賽20場，對球隊打擊沉重，事關佢一直係灰熊控衞頭號替補。不過季中僅以35.9萬美元（約278萬港元）加盟灰熊嘅烏特列，今仗就證明到價值，後備上陣14分鐘轟入14分，成為改變整場比賽局勢嘅關鍵人物。

灰熊另外兩位老將東尼阿倫同米克米拿一樣有料到，前者令常規賽得分王杜蘭特（Kevin Durant）命中率不足5成，而米克米拿喺雷霆第四節反超前後即刻回敬一個三分球，幫灰熊笑到最後。雷霆輸波令人諗起佢哋舊年西岸準決賽，同樣喺先拔頭籌下畀灰熊連贏4場出局。同日快艇主場憑格芬（Blake Griffin）上陣30分鐘貢獻36分、6個籃板球，幫球隊以138比98大炒勇士，總場數追成1比1。

NBA總冠軍之路

NBA明日賽程表 (香港時間)

另外，聯盟官方再次承認球證錯判，指火箭主場對拓荒者的Game 1賽事結束前10.8秒，球證吹罰杜域侯活（Dwight Howard）犯規係錯誤。火箭主場對拓荒者的Game 2將於明早上演。（now 635周四早上9時30分直播）而多間媒體透露木狼教頭阿杜文（Rick Adelman）即將宣布退役，結束23年的教練生涯。同日爵士教練哥賓（Tyrone Corbin）繼紐約人嘅活臣（Mike Woodson）後同樣被辭退。

諾亞防守聯盟最叻

而公牛球星諾亞（Joakim Noah）就當選今季最佳防守球員，成為米高佐敦（Michael Jordan）後，史上第二位獲選最佳防守嘅公牛球員。