大嬸粉絲使2萬3撐愛隊

睇7欖要入南看台是常識,與之遙遙相對的北看台則被一大班頭戴有色假髮的中年球迷佔領,望落呢班fans絕大部份都似斐濟擁躉,但深入了解下,原來大嬸Atsuleo係日本人,而Hennings則嚟自美國三藩市,但就一齊為斐濟打氣。

Atsuleo住喺東京,幾乎每年7欖都嚟港睇波,因為有親人住喺斐濟,所以她既支持斐濟又捧日本;Hennings原本係美國fans,可是球隊成績一般,以為斐濟最穩陣,點知球隊4強輸波,好在她及時「埋堆」撐外圍賽奪冠嘅日本,終於可以開心一番。

Hennings抱怨香港7欖消費愈來愈昂貴,佢話:「球票、機票同酒店總共花費3,000美元(約23,400港元),真係唔平。」但能入場盡興,確實是千金難買的回憶。