「大帝」勒邦占士（Lebron James）尋日突然喺twitter抱怨自己嘅手機數據無故被刪除，不過佢似乎唔記得咗自己係嗰部手機嘅代言人。「大帝」嘅twitter有成1,200萬個追隨者，佢嘅一言一語都會帶來唔同程度嘅影響，可能佢意識到自己咁講會產生好大問題，所以占士隨後進行更新「補鑊」：「玩家們，我嘅數據又有番喇，真係好險，哈哈！」不過，「大帝」昨仗領軍主場出戰籃網表現平平，僅得19分進帳，連累熱火以95比96落敗，同時造就籃網成為今季聯盟唯一一支面對熱火保持全勝嘅球隊。