入樽賽約翰禾爾Dunk王
NBA明星周末入樽賽希望以新賽制挽回民心，惟90秒自由Dunk被轟無聊，「掛名入樽王」約翰禾爾（John Wall）在次回合Battle Round終有精彩入樽，令現場氣氛開始變好，但比賽隨即完結的古怪情況，又被網民狂插比賽不知所謂！
今屆入樽賽首回合變成90秒Freestyle大比併，次回合則改成東、西岸的個人對戰。東岸在兩回合後表現都比西岸好，最終裁判一致判東岸為贏家，保羅佐治（Paul George）、泰倫斯羅斯（Terrence Ross）及約翰禾爾當上入樽賽冠軍。同時由於約翰禾爾整晚表現較為出色，最後獲網民選為Dunker of the Night，成為「掛名入樽王」。
T Mac卡特甫相抽水
不過，新賽制卻被各界狂插。加拿大體育頻道Sportsnet索女主持Holly MacKenzie，在twitter指新賽制規則含糊不清：「啲規則我睇過同聽人解釋都唔知幾多次，但係我同一班同事都仲係唔知入樽賽依家係點玩囉！」名將麥基迪（Tracy McGrady）與現効力小牛的卡特（Vince Carter），於2000年一起參加入樽賽被喻為經典對決，可惜睇到今屆比賽後，二人不約而同深感無奈，並且上載圖片搞寸Party：「佢哋咁都可以參加入樽賽？」
草草收場球迷反感
由於賽制奇怪，昨日入樽賽氣氛遠不如三分賽，次回合麥里摩亞（Ben McLemore）跳過坐在王座的奧尼爾（Shaquille O'Neal）大力入樽，及約翰禾爾跳過巫師吉祥物背樽，才令氣氛輕微升溫，但個人戰只限一次入樽，畀人一種「到喉唔到肺」感覺，最後入樽賽就於球迷睇到一頭霧水之下草草完結。唔少網民都講今屆入樽賽唔多掂，仲反寸聯盟：「今年入樽賽真係好好多，比賽過程短過之前幾屆嘛！」更有球迷說：「依家睇入樽賽簡直係浪費時間，快啲改留用舊制，否則我下屆杯葛唔睇入樽賽！」
本報綜合報道