塘鵝Pierre整容大執

塘鵝吉祥物Pierre在季初亮相時，巨型鳥嘴使其外表驚嚇度爆燈，被球迷怒插「樣衰到冇朋友」，不時成為惡搞改圖的對象。

Pierre曾向年輕球迷打招呼，竟嚇得對方後退幾步，與球迷合照時又令到小孩狂喊。美國體育評論網《Grantland》在今年1月表示收到消息，指塘鵝將會重新設計吉祥物的造型，希望「整容」後會比較順眼。

塘鵝昨日發表聲明，指Pierre於打波時不慎撞到籃框支架的軟墊，令鳥嘴受損需要開刀做手術。聲明雖然別出心裁，但難掩塘鵝終於承認Pierre樣衰的事實。塘鵝仲風趣到特地邀請新奧爾良市動物園的護理師解釋受傷原因：「我哋經常都會見到塘鵝撞到硬物後出現腦震盪、鳥嘴或者眼睛受傷嘅問題。我喺動物園都有幾隻塘鵝，情況同Pierre好相似，如果護理得好嘅話，佢出院時會更強壯，可以重新挑戰呢個世界。」言下之意似乎暗示Pierre將會全面大執！塘鵝表示會於今日跟進Pierre的狀況，應該可趕及在周五開始的全明星周末復出。

作客負速龍　明早撼公鹿

塘鵝昨仗雖有第六人泰拉基伊雲斯（Tyreke Evans）攻入全場最高的23分，但仍未能協助球隊扭轉乾坤，結果作客不敵速龍，連輸兩場後明早將會作客東岸球隊公鹿。

（周四早上9時開賽）