熱火「大帝」勒邦占士（LeBron James）暗示離隊？熱火三巨頭今季完結後都會成為自由身，當中焦點全放在占士身上，而他對會否留隊一直三緘其口。
不過，日前他在Instagram上載9張與韋迪的合照，祝賀後者32歲生日的留言中，就似是暗示下季與韋迪及保殊（Chris Bosh）的組合或不會再現。「大帝」說：「老友，我嚟到邁阿密之後，你為我犧牲咁多，我都唔知應該點多謝你好。無論將來係點都好，我哋都係一世好兄弟！」
韋迪如無意外會與球會續約，LBJ及保殊就仍在考慮；早前有傳聞指「大帝」下季或重返騎士，未知今次言論是否暗示自己將離開邁阿密？
另外，熱火同日再次作客76人，勒邦占士以21分、10次助攻及8個籃板的「準大三元」表現，協助球隊大炒主隊。賽後「大帝」被問到生日賀詞是否暗示自己會離隊，但他未有正面回應：「我只係講緊友情，同感嘆命運令我同韋迪行埋一齊啫。」