通常大人同小朋友打籃球，都會故意讓小朋友射入一球，然後祝賀佢取得勝利，咁會畀到小朋友信心同勇氣。不過，杜蘭特（Kevin Durant）就唔會咁做，近日佢喺Instagram上載咗段喺球場上「block」走姪女射籃嘅片段，仲寫道：「好激動block咗我矮姪女。」其實都係玩吓啫，使乜咁認真！
籃網今個月11號主場對衞冕冠軍熱火嘅賽事，雙方球員將會穿上「花名波衫」出賽。早前已有媒體刊出熱火嘅球衣，依家連籃網嘅都有埋。三件籃網球衣分別屬於迪倫威廉士（Deron Williams）、祖莊遜（Joe Johnson）及皮雅斯（Paul Pierce），三件球衣的綽號分別係「D-WILL」、「JJ」及「TRUTH」。
紐約人前鋒慈世平（Metta World Peace）近排因為膝傷冇得上陣，佢為咗唔想球迷話咁快就唔記得咗佢，近日喺Twitter上載自己同女伴嘅床照，仲叫大家留意住佢哋嘅牙齒，認真用心良苦！