莫斯科名牌珠寶商Raff House最近同德國車廠Mansory合作，下年推出一款叫「莫連奴Supercar」嘅跑車，全球限量生產11部，其中第1部更會命名為「Special One」送畀莫連奴。呢位車路士領隊話：「擁有自己系列嘅跑車感覺真係好正！呢款車完全符合我嘅心水，好期待揸住佢去唔同球場比賽。」呢部超跑車身用碳纖維造成，Raff House官方相片只公開車尾一角，勁識吊人癮。
聖誕快車冠軍一放到尾
英國《每日郵報》就計過數，近九年英超嘅聖誕冠軍，有七隊可以喺聯賽煞科日封王，成功率接近八成！車仔喺05年、06年同10年都做聖誕冠軍並「笑到最後」，全球「車迷」當然希望重溫美夢啦！