木狼大前鋒路夫（Kevin Love）早前喺賽事完結後接受訪問時，隊友柏高域（Nikola Pekovic）竟突然喺背後出現並送上一個香吻，畀人覺得佢哋兩個似乎有啲曖昧關係喎。
「波神」米高佐敦（Michael Jordan）喺芝加哥嘅豪宅放售多時仍然冇人吼，其後只能通過拍賣方式搵買家，但估唔到係竟然連拍賣都搞唔掂，因為冇人開出1,300萬美元嘅最低報價，所以呢個拍賣最終流產收場。
火箭主將占士夏登（James Harden）日前對帝王整親隻腳，由於仲有兩個罰球要射，所以「大鬍子」唯有忍痛以金雞獨立方式射埋先出場治理，不過呢兩個罰波最終都入晒，真係估唔到佢單腳企都咁勁。