ＮＢＡ及NIKE昨晨齊齊推出新廣告為「小飛俠」回歸造勢，當中NIKE就以高比去季打柴後仍頂硬上射罰球的經典情節做噱頭，突出其打不死的風格。湖人會方亦特別於昨仗賽前播放《星球大戰》音樂，安排「小飛俠」壓軸亮相，型爆宣布他終於重返ＮＢＡ戰場。
另外，聖誕節就快來臨，高比呢位好爸爸每年都會同家人合力炮製自家聖誕卡。今年「小飛俠」早前就與老婆雲妮莎（Vanessa Bryant）及兩個囡囡齊齊影靚相，而新一輯高比家族聖誕卡亦於昨日正式曝光，真係勁Warm！