F1平治車手咸美頓同歌星女友Nicole Scherzinger最近又玩復合，咸美頓借「感恩節」為名，邀請「小野貓」返屋企同自己老竇Anthony齊齊食火雞，氹得伊人心花怒放，仲喺「咸仔」屋企過夜，知情人士話，Nicole好滿意咸美頓嘅表現，第二朝帶住笑容離開，睇嚟「咸仔」可以喺F1戰火暫停之時，同舊情人重燃愛火。
咸美頓同Nicole咁多年嚟離離合合，今年7月先至第2次甩拖，消息話「黑帝」今鋪擺埋老竇Anthony上枱，兩仔爺日前齊齊邀請美國人Nicole返屋企慶祝感恩節，有報道指「小野貓」仲喺「咸仔」度過埋夜添。至於Nicole就喺自己Instagram上載咗大餐相留言話：「一餐英式感恩節晚餐:）我好開心，飽到好似隻火雞咁！#倫敦」不違言自己喺倫敦，仲好開心添。
其實Nicole兩個星期前接受訪問時講過，自己同咸美頓分手亦是朋友，二人有坐低重新傾過偈，又話將來嘅嘢冇人預計到，估唔到話口未完「咸仔」就出手，希望呢對相差七年嘅姊弟戀真係可以開花結果啦。