紐約人射手JR史密夫（J.R.Smith）最近為運動贊助商Foot Locker拍廣告，呢位「壞孩子」喺廣告中竟然扮乖仔，喺晚上9點就因為練波太攰熄燈瞓覺，不過試問有邊個會信佢黃金時間唔去蒲呢？
帝王以麥巴莫迪（Luc Mbah a Moute）交換木狼前鋒戴歷威廉士（Derrick Williams，右）嘅交易尋日通過，戴歷威廉士仲即時獲帝王老闆蘭那地夫（Vivek Ranadive）親自歡迎，證明呢位2011年榜眼極受會方重視。
勇士尋日以102比101險勝塘鵝，Fox電視台竟然擺咗個大烏龍，播出勇士正選陣容時竟然落錯相，史堤芬居里（Stephen Curry）驚變細佬施夫居里（Seth Curry），咁「是但」都得真係有啲離譜！