最細心
呢位車模唔止擁有天使面孔，魔鬼身材，佢就成日提醒「龍友」小心現場車輛，認真抵錫。
最高挑
嚟自廣州嘅羅希有1米79咁高，大男人行埋去都變矮仔，佢第一次喺澳門做車模覺得好新鮮。
最Natural
車場睇勻咁多靚女，最天然又唔作狀都要數到呢個Baby，自然受龍友歡迎。
最吸睛
身為「陳七」陳肇麒前女友嘅Emily已經係連續３年做ＲＱ。
最熟口面
呢個做晒Like手勢嘅靚女，幾年前都嚟過做車模，嗰陣仲畀人改咗名叫「珠海栢芝」添。
最識擺陣
四位靚女各有特色，每逢有人影相都擺好晒甫士，十足少林寺十八銅人咁款。
