爆E超蓮Mika 反轉車場
第60屆澳門大賽車雙周賽進入第2個周末，高潮浪接浪，車模數量更如幾何級數跳升，o靚模、日本妹、台灣妹、洋妞車模充斥賽車場每個角落，任你點數都數唔晒，車迷龍友個個睇到飽。
日台車模殺入戰場
澳門車模曝光率高，收入亦唔錯，近年唔少o靚模同明星姐仔都會前來濠江客串，尋日賽事期間，施念慈旗下3位o靚模計有「爆E超蓮」Iris、「DaDa師妹」Mika同靚女Bella突然現身，搞到場內秩序一片混亂，龍友紛紛舉機圍影。面對群情洶湧，3位美女非常專業，來者不拒任影唔嬲，佢哋大讚澳門賽車氣氛一流，又有很多英俊車手，見識到賽車場剛陽味的一面。
除咗o靚模，昨日亦有大量「生面口」亮相，包括日本妹及台灣妹，有一身全白色衣服，亦有全黑服飾，更有銀河機械人及女戰士，亦有金Bra女兵團，金光四射耀眼奪目。
