勇士戰績飆升令波飛銷量直線上升，截至昨日為止已賣出破球會紀錄嘅1.45萬套季票，會方為確保每場波仲有5,000張波飛對外發售，昨日決定實施季票「限買令」，現時輪候買季票嘅球迷要額外支付100美元「排隊費」，認真「乸脷」！
魔術新秀奧拉迪普（Victor Oladipo）場上得分、助攻、籃板球瓣瓣有之餘，原來連唱歌都一樣掂，真係「百足咁多爪」！早前有網民摷到奧拉迪普今年4月曾上台獻唱Bill Withers名曲《Ain't No Sunshine》嘅短片，歌喉獲一致好評，睇嚟奧拉迪普得閒可以參加歌唱比賽。