拿度大熱奪最佳復出獎

「野獸」拿度演繹打不死意志，強勢奪得最佳復出獎！自2月回歸賽場以來狂擸10冠兼重登世界一哥寶座嘅拿度，大熱榮膺ATP年度最佳復出球員。不過，呢位西班牙球王對於年終賽安排喺室內場舉行再次表示不滿。拿度一直同年終賽錦標無緣，佢話：「雖然倫敦O2體育館好正，但並唔代表對每個球員都公平，事關以往年終賽試過喺室外場打，我哋應嘗試更多場地，為球迷帶來新鮮感。」另外，費達拿連續第11年當選最受球迷歡迎球員。