戴歷羅斯9‧13踩落旺角
戴歷羅斯殺到啦！剛於早完成歐洲之旅嘅公牛控衞戴歷羅斯（Derrick Rose）將於下周五（9月13日）首度旋風式抵港，展開「D Rose亞洲之旅香港站」活動。戴歷羅斯屆時將會踩落adidas旺角Megastore及旺角麥花臣場館，進行連串別開生面的活動，與球迷作近距離接觸。
主辦單位為隆重其事，更邀得本地甲一籃球員方誠義，先於adidas旺角Megastore內同戴歷羅斯見面，雙方更會進行拗手瓜比賽，睇吓邊個臂力勁啲。其後，戴歷羅斯將轉往麥花臣場館，聯同方誠義、劉子健、梁民熊、鄭錦興、張偉康及謝文俊等甲一籃球員，以及藝人周柏豪進行連場籃球對戰及射籃等遊戲。