法耶茲誓保米高積遜像

富咸前老闆法耶茲同已故流行曲天王米高積遜(MJ)老友鬼鬼,之前佢為咗向呢位一代巨星致敬,喺富咸球場外豎立米高積遜嘅雕像,甚至惹嚟非議。上周法耶茲將富咸賣畀有「執」大鬍鬚嘅美籍商人沙希罕,佢仲特登戴上假鬍鬚舉行記者會,相當搞笑。雖然放盤成功,不過法耶茲未有忘記MJ,更警告呢位新老闆:「你要尊重球隊嘅歷史,這是交易一部分,如果你敢移走個MJ雕像會好麻煩,我會喺球迷面前拎起剃鬚刀,將你啲鬍鬚剃晒落嚟。」