百零蚊可租齊全套試玩
前香港風帆代表王凱韋（原名王合喜）亦玩埋一份，阿Ken話初學者要選擇一些較安全的地方，香港部分海灘好似赤柱、長洲、深水灣、石澳等都「啱」玩，而且大部分沙灘都有全套裝備租用，只要隻身走到沙灘就可以玩足成日。
阿Ken話Stand up Paddle講求手腳協調：「拉槳就好似扒龍舟或扒艇仔一樣，初學可以先跪喺板攞平衡，慢慢再企起身，真係大人細路都啱玩o架！」如果想玩「激」一點，就可以到大浪灣或大嶼山貝澳等，「選擇泳灘可以睇季節，我覺得最好兩至三人一齊玩。」目前香港有些屬會每兩星期都會舉行比賽，增加刺激性。
費用方面，普遍來說150蚊一粒鐘租用全套器材（即浮板、槳、腳繩及救生衣（如有需要）），租時長價錢會調整，若有興趣自購器材，大約七千八至兩萬蚊不等，視乎浮板質料及生產商等。
