陳敬然SUP親子樂無窮

已經3歲的靖靖起初走到海灘，只是在沙灘邊玩玩水、堆堆沙，使即「型爸」阿英多次試抱他上板都話怕怕，後來試坐試玩後終於肯跟爸爸出海，Warm up一段時間後更大膽地站起來，阿英話：「其實好多小朋友都怕水，玩SUP可以加強佢哋對游水嘅興趣，出海可以睇到魚仔、蝦仔，令佢哋更加投入，將來學游水都會容易啲。」

加強小朋友游泳興趣

當然帶同小朋友出海要做足安全措施，阿英強調：「不論小朋友識唔識遊水，最緊要着助浮衣，呢個好重要。」阿英補充現在很多小孩子都困在室內打遊戲機，他認為應讓孩子跑到室外，特別是夏天更可走到沙灘，享受一下陽光與海灘。