被譽為全美最性感的體育記者恩妮絲（Ines Sainz）一向採訪美式足球為主，但她日前透露自己都好關注籃球，而且特別欣賞勒邦占士（LeBron James）：「佢係個好有力量嘅男人，點講呢？由佢嗰個讓所有女人嗒糖嘅三角肌就睇得出。如果占士唔介意我大過佢，我實嫁畀佢，能夠嫁畀力量型男人，係所有女人夢寐以求嘅。」
作為熱火頭號球星嘅占士，若帶隊奪冠能得到多少獎金？NBA規定，今年參加季後賽的球隊將分享1,300萬美元（約1億港元）的獎金，如果熱火最終奪冠，將得到約378萬美元（約2,394萬港元）。傳統上奪冠球隊通常將獎金分配畀所有職球員，而熱火大約有72人可分享這筆獎金，因此每份獎金大約有5.2萬美元（約40萬港元）。
相比之下，總冠軍指環的價值就比獎金更高。熱火去年奪冠的總冠軍指環用的是14K白金，鑲嵌着219顆鑽石，價值一定唔止5.2萬美元。
另外，大家仍記得奧尼爾（Shaquille O'Neal）與2歲小男童泰特斯（Titus）鬥射籃慘敗嗎？據《CBS》體育消息報道，泰特斯今年三月和高比拜仁（Kobe Bryant）過招，結果雙方打成4比4平手。至於高比仔與父母的「拍賣門」糾紛，亦告平息。