吳柱業出山搵阿Sir報復

Panasonic學界籃球邀請賽稱得上是薈萃了籃圈老、中、青「熱血」人物的盛會，在決賽當日特別加插的名人賽，籃總名人隊再次「重召」叱咤一時的籃壇孖寶吳柱業及梁月明出山，加上甲一球會福建現役球星鄭錦興及張偉康兩位快槍手加強攻防活力，要從警察籃球大使隊一眾「阿Sir」手上奪回冠軍獎座，決心顯而易見。

去年籃總隊以4分之微，被「阿Sir」後來居上贏了比賽，賽後主席陳瑞添已向球迷開出「期票」，講明今年會再找「柱仔」及「月明」幫手，配合多位波齡大過唔少同學仔真實年齡的籃圈「幕後猛人」呂漢國、陳少煌、吳啟洪、黃偉鴻、莫耀強、呂少文及王丹等，與實力旗鼓相當的「阿Sir」較技。

警察隊陣中有前CBA球員虞興海，前港隊代表李敬倫及亞運代表謝國偉，一眾阿Sir好重視今次「Operation」，兼任教練「總指揮」重任的李敬倫希望隊友發揮到最好，打場好波，爭取連續兩年贏波。

下午4時15分開騷