內衣美式足球熱3女襲港

內衣美式足球「戰衣」性感，但三位美女更希望球迷可以將目光集中喺球技之上，効力Baltimore Charm嘅Angela來頭唔細，爸爸係曾經攞過超級碗MVP嘅美式足球名將Mark Rypien。Angela繼承父親衣鉢，都係司職4分衞，屬於聯盟風頭躉，難免承受較大壓力。不過Angela視之為動力，最重要係有4歲女兒支持，亦不時帶囡囡入場觀戰。

亞洲之旅香港尾站

26歲嘅Liz係一名模特兒，美貌與球技並重，呢位三次當選年度最佳防守球員嘅英雌熱愛運動，除咗美式足球，仲玩埋網球、踢波、搏擊。

有個囡囡嘅「靚媽」Angela為賺奶粉錢，比賽特別落力。

Natalie話所着嘅內衣褲全部特製，唔會咁易磨爛而走光。

同Liz一樣効力LA Temptation嘅Natalie話女性打美式足球其實好安全，球衣物料都係特別設計，一定唔會走光。三位美女首次離開美加做宣傳，今次亞洲之旅已去過新加坡、印尼、菲律賓及馬來西亞等地，香港係最後一站，希望呢項運動可以喺全球普及。