德甲球隊雲達不來梅兩個進攻主力阿拿奧杜域及艾利亞上周先後駕車超速斷正，球會管理層經過一輪商議後，決定內部處分兩位超速男，本季餘下3場賽事都唔會派出佢哋落場。不來梅目前位列第14位，只領先尾三球隊奧格斯堡2分咁大把，護級形勢危重，今次會方堅持要執正嚟做，隨時可能搞到降班收場。