「彌敦９號」想打ＣＢＡ
講開余理洋着緊嘅南華9號波衫原來有段古！本身鍾意5或8號嘅佢，因南華呢兩個號碼早已有主人而無得揀。一班新隊友就醒起周星馳電影《算死草》入面，有一句經典對白「彌敦道9號」，如果Nathan再加埋9號就啱啱好係「Nathan 9（彌敦9號）」，於是就慫恿佢着9號嚟惡搞。
同Nathan傾開前途問題，佢就話終極目標係進軍CBA：「我有好多同學都去咗歐洲搵食，而自己都想試吓打職業賽，所以想喺南華有所表現之外，再好像羅意庭一樣獲得CBA球員垂青。依家得閒時我都有學普通話，希望方便同南華隊友溝通之餘，仲可以增加自己打入CBA本錢。」
物業資料
畢架山峰
位於九龍塘歌和老街嘅畢架山峰，由22座獨立屋同埋5座分層洋樓組成，可俯覽維港及九龍半島景致，而且身處38區名校網，故此樓價一直高企。