難忘出道作Y2K由朝曬到晚變黑妹

相信仍有唔少人會記得，阿Sa當年出道成名作《青春@Y2K》係飾演一位欖球隊成員，事隔13年後阿Sa諗番起都覺辛苦：「雖然我都有做開運動，但打波就真係未試過。喺炎炎夏日拍攝過程中試過中暑、頭暈、仲曬黑咗好多！其實我真係好佩服啲打欖球嘅女仔，因為佢哋唔怕打到成身泥、又唔怕撞嚟撞去受傷。」不過，阿Sa話最開心嘅係，到咗依家都有同當年嘅劇組人員保持聯絡，仲Keep住好好感情添！