Sarah喜遇晶晶阿寶未慣教人

自一個月前轉執教鞭後，黃金寶昨首次公開亮相，同樣成為傳媒焦點，他表示上周在廣州一直有跟進港隊出戰世界賽的成績，又大讚李慧詩的表現：「Sarah做得好好！呢啲成績絕對可給予有志投身單車運動嘅年輕人極大鼓舞。」

沈金康叫佢「黃教練」

當了運動員逾20年，一下子轉戰幕後做教練，據悉「阿寶」暫時連秒錶都「未搞得掂」，這位「亞洲車神」不諱言需要時間適應：「目前尚處於學習階段，主要係落手落腳幫助車手，後勤Back up及執行管理都希望做得仔細一啲，另外每日要向沈教練匯報訓練計劃、開會、處理較多文書工作……估計起碼要半年至一年時間至習慣嘅新崗位。」

郭晶晶昨以「霍太」身份出席活動，備受注目。

黃金寶（左）及Sarah展示2012年最佳男女子運動員獎項。

黃金寶補充：「其實跟運動員相處嘅感覺都同以前差唔多，佢哋仲係叫我『阿寶』，反而沈教練發電郵畀我時，會用『黃教練』來稱呼，真係有啲唔習慣！」港隊下月出征印度亞洲錦標賽，「阿寶」首次以教練身份隨隊，他表示會盡量協助車手爭取佳績兼向沈金康偷師。