潘志豪羅意庭 重聚獻好波

「NIKE慈善籃球賽」將於明晚假修頓室內場上演，今次義賽猛「籃」如雲，配搭亦非常新鮮，「豪庭雙Guard」繼09年東亞運後再攜手落場，惡鬥由前中華台北名將周俊三孭飛的Team2，加上有歌手藝人助興，齊為「遊樂場協會」的「籃球學院」籌款，因此大受擁「籃」躉歡迎，「阿豪」更開心與CBA前隊友周俊三重逢呢！

明晚修頓提早爆棚

因受甲狀腺問題困擾的「阿豪」，上月身體不適缺席超級工商盃，他表示身體已好了好多：「我乖乖地按時食藥，體能已恢復唔少，之前盃賽都有落場打一陣。」被問到有沒一絲念頭想過退役，這名一代後衞斬釘截鐵向球迷大派定心丸：「唔會退！有咗呢個病反而令我更珍惜打波嘅時間，有時我會諗，睇見吳柱業、宋方等名將一個個退下來，幾時到我呢？我發覺我唔想退，除非有朝一日打唔到，畀人淘汰至退喇！」

陳兆榮

留棟梁

羅意庭是繼「阿豪」後，另一個港人進軍CBA，今次兩人合作，預料有不少火花，「阿庭」回憶應該有3年沒跟「阿豪」同隊：「對上一次應是東亞運，今次再一齊合作感覺特別，我都想送一場精彩比賽畀入場球迷欣賞，簡單嚟講就係身上有乜絕招都會用晒出嚟，總之係出盡法寶。」

賽事資料

日期：2013年2月27日

開賽：晚上8時

（門票售罄，有票球迷7時起可以入場）

地點：修頓室內場

兩隊焦點陣容

Team 1：

潘志豪、羅意庭、黃鎮煒、羅文光、胡國鋒、宗銘達、李雲翔（前中華台北代表隊成員）、歌星張繼聰及樂隊MR.成員

Team 2：

周俊三（前中華台北代表隊成員）、陳翊麟、余里洋、陳兆榮、留棟梁、劉凱濤、蘇耀宗及樂隊MR.成員

圖/文：Kin