鍊贏o靚仔積極瘦身
米高佐敦於1995及2001年兩次復出之前，都係由高華負責協助佢操起狀態，這位殿堂級訓練大師昨日向《ESPN》表示，已經為該位山貓班主制訂了一套訓練程式同餐單，只要收到米高佐敦電話就會即刻開始。另外山貓新秀基爾基士堤（Michael Kidd-Gilchrist）亦表示，上個月曾經與「波神」單挑，結果落敗收場，因此佢睇好老闆就算一把年紀，重返NBA亦一樣「夠揪」。
今日係「波神」50歲「牛一」，昨日就於休斯敦一間美術博物館開派對慶祝，而一班籃壇巨星包括高比拜仁（Kobe Bryant）及安東尼（Carmelo Anthony）等都有攜眷出席，認真畀面！