羅意庭紮住上頂唔住易建聯

【司徒子文東莞直擊】羅意庭負傷上陣仍無法扳回福建大敗厄運!福建潯興昨晚在CBA常規賽作客面對有易建聯、朱芳雨、陳江華、王仕鵬等國家隊猛將壓陣的廣東東莞銀行隊,雖然「港籃之子」羅意庭正選登場「紮住上」,但仍無法協助球隊取勝,以87比128大敗,今季成績暫時8勝16負,很大機會緣盡季後賽!

福建87比128負廣東

昨晚阿庭得到家人及南華班主洪游奕、隊友譚偉洋、陳張敏、余理洋等到場支持,即使面對坐擁「金鑽陣容」的廣東隊仍表現活躍,更獲任正選登場。不過,阿庭在第一節中段卻不慎拉傷左腳,被逼在7分鐘即退下火線。而廣東隊亦憑王仕鵬連番3分得手,半場已大幅拋離62比37。

雖然阿庭易邊後再度勉強上陣,但只打了7分鐘便再度傷出,福建隊比分亦再度被拋離,最後主隊在王仕鵬及易建聯分別取得24分及20分之下,贏128比87。錄得兩分的阿庭賽後表示唔好意思:「一班好友來支持我,但我卻受傷沒法子再落場。即使福建爭入季後賽機會渺茫,但我們在餘下比賽都會拚盡。」阿庭還相信只是輕傷,應很快可以痊愈。