男人40唔戇居 跟恩師再學10年
「人生有幾多個10年！」還有3個半月，「阿寶」就滿40歲，他說會把「男人40」當作人生新開始。笑別「黃金22年」車手生涯，「阿寶」即將轉執教鞭迎接新挑戰，追逐更遠大的目標：「40歲代表人生另一階段，亦係我喺單車事業新起跑線，希望嚟緊10年，可以喺沈教練身上再學吓嘢，因為佢嘅思維，策劃安排能力都好值得借鑑。」看來這對「金」牌師徒間的「承諾」還要守下去！
「車神」光榮「封轆」，大家都期待有「第2個黃金寶」出現，但「阿寶」眼光更闊大：「唔想只得一個人接我班，將軍澳單車場明年啟用後，整體發展會更好，香港單車應該要百花齊放，每個項目都培養出領軍人物同一批實力分子，喺世界級賽事有得同人揮。」
退休後開Coffee Shop
香港近年掀起單車熱，以黃金寶名氣，如果開單車店或單車學校，一定客似雲來，偏偏「阿寶」唔想靠個名搵錢：「暫時冇諗呢啲，亦唔想乜都向錢看，我會Keep住做教練先，或者等第日退咗休，開番間兼賣單車產品嘅Coffee Shop，可以同一班車友一邊飲嘢一邊傾車經，我諗呢種至係我最嚮往嘅生活。」