衝擊廣告界搵真銀
雖然尼古恩天生一副明星相，但早年埋頭苦幹於比賽，原來從未拍過廣告，其經理人舒麥特（Sebastian Schmidt）透露，新一年已為尼古恩接洽多個廣告，實行開拓市場「靠靚樣搵真銀」！
尼古恩來港「重頭戲」於除夕夜喺尖東出任倒數活動嘉賓，除與多名跳舞歌手同台外，尼古恩更會喺2012年最後十秒，施展鞍馬的「湯馬斯全旋」，每秒一下與大家倒數！
今次陪同尼古恩來港嘅經理人舒麥特透露：「2013年將安排Marcel拍廣告，以往佢為集中精神爭取比賽成績，拒絕咗好多代言合約，但距離下屆奧運尚有一段時間，我哋相信係時候有更多新發揮。」
挑戰「雙槓王」馮喆
咁有冇打算拍電影呢？尼古恩話：「哈哈！我閒時都鍾意睇電影，知道中國功夫，仲睇過李小龍同成龍電影，不過自己拍戲就暫時未有計劃！」相反佢眼前最大目標仍然係體操，一月初返國後就恢復操練的尼古恩，矢志提升動作難度，在未來鍊贏中國雙槓王馮喆，一報倫奧之仇。