NBA除咗球員和球證外，仲有一班非常受球迷歡迎嘅團隊，就連「萬人迷」碧咸和美國奧運游泳金牌得主富蘭克琳都趨之若鶩，玩偷瞄或要求合照，呢個團隊就係啦啦隊嘞！美女啦啦隊不僅係NBA賽場嘅點綴，更已成為美國籃球文化嘅一部分，每當暫停和休息時間，呢啲激情嘅舞蹈表演延伸場館內嘅狂熱氣氛，令賽事絕無冷場。然而，最近一位啦啦隊成員於「開工期間」意外重傷，令人意識到呢個表面風光嘅行業，背後其實充滿辛酸。
喜歡美國籃球嘅女仔都有兩個夢想，一是贏得WNBA或奧運冠軍；另一是成為自己鍾愛球隊嘅啦啦隊隊長。NBA啦啦隊是一份好多女孩子恨做嘅工作，不但可以近距離免費睇波同接近球星，更重要係佢哋能以最美嘅姿態喺主場享受球迷嘅歡呼聲，獲得好似做明星嘅虛榮感。不過，呢個行業係咪真係咁風光呢？
NBA球員收入豐厚，但「同場獻技」嘅啦啦隊隊員收入卻少得多，每人每次出場費平均只得105美元（約820港元），一季常規賽主場只得41場，靠呢4千零蚊美金嘅微薄收入，根本唔夠生活。而且聯盟硬性規定佢哋唔能夠接受其他「打賞」，因此除非屋企大把錢，否則都只能當呢份工作係兼職。
成為啦啦隊隊員單靠樣靚身材正並唔足夠，佢哋要擁有大學啦啦隊經驗，而且訓練內容全屬難度高如托舉、空翻和騰越等危險動作，因此隊員經常要面對受傷威脅。據美媒統計，每年均有超過10名啦啦隊成員因為長年承受超負荷訓練而須接受膝關節韌帶移植手術。又根據傷病研究中心報告顯示，女子啦啦隊隊員每年傷病率比任何運動的男性運動員更高，因此佢哋嘅「職業生涯」一般唔會超過5年。
很多追星女生非常嚮往近距離接觸心儀球星，但聯盟明確規定啦啦隊員和球員之間絕不可有出軌行為。所以雖然不少NBA球星私生活糜爛，但卻鮮有同啦啦隊女郎扯上關係。
美麗面孔和瀟灑舞姿雖然成為場邊焦點，但佢哋要經歷嘅考驗卻不足外人道。呢行選拔非常嚴格，隊員要經過重重考核，少啲耐性和毅力都唔掂，唔少女仔就係因為頂唔順呢啲考核而放棄，所以圈內流行一句話：「好嘅啦啦隊隊員定能勝任任何壓力巨大嘅工作。」
文：J-Him