網球巨星祖高域喺祖家塞爾維亞開設連鎖高級餐廳，並大手筆以天價從當地一個農場買入驢奶芝士做招牌食材吸客。呢種名為「Pule」嘅驢奶芝士每磅要成4,970港元，堪稱芝士中嘅極品，「扮嘢祖」已掃入足夠餐廳使用1年嘅分量。至於瑞士「天王」費達拿就喺南美作為期10天表演系列賽，狂賺逾千萬美元出場費，上周日在巴西一場表演賽，更着上森巴10號球衣大騷腳法添。